Թուրքիան իր մայրաքաղաքը, որը վերջին տարիներին ցնցվել է ահաբեկչական հարձակումներից, վերածում է իսկական ամրոցի՝ պաշտպանված հակահրթիռային պաշտպանությամբ և կործանիչներով՝ հաջորդ ամիս այնտեղ անցկացվելիք Հյուսիսատլանտյան դաշինքի գագաթնաժողովին ընդառաջ։ Դրա մասին գրում է Bloomberg-ը՝ հղում անելով իր աղբյուրներին։
Ըստ աղբյուրների՝ որոնք ցանկացել են անանուն մնալ նախապատրաստական աշխատանքների գաղտնի բնույթի պատճառով, հուլիսի 7-8-ը նախատեսված ՆԱՏՕ-ի երկրների առաջնորդների հանդիպման ընթացքում իշխանությունները ծրագրում են գործարկել փոքր և միջին հեռահարության հայրենական հակահրթիռային պաշտպանության համակարգերը, ինչպես նաև F-16 կործանիչների ավիապարկը բերել բարձր մարտական պատրաստվածության վիճակի։
Նրանք հավելել են նաև, որ Թուրքիան կտեղակայի անօդաչու թռչող սարքեր և դրոնների դեմ պայքարի համակարգեր, իսկ Անկարայում և դրա շրջակայքում անվտանգությունը կապահովեն ուժային գերատեսչությունների ավելի քան 40 հազար աշխատակիցներ։
Source: https://news.am/hy/news/1040732
