ԱՄՆ դաշնային դատավորը երկուշաբթի անօրինական և չեղարկման ենթակա է ճանաչել 100 հազար դոլարի չափով տուրքը, որը ԱՄՆ նախագահ Դոնալդ Թրամփը սահմանել էր բարձր որակավորում ունեցող օտարերկրյա մասնագետների համար նախատեսված H-1B տեսակի նոր աշխատանքային վիզաների ստացման համար, հայտնում է Reuters-ը։
Բոստոնի ԱՄՆ օկրուգային դատարանի դատավոր Լեո Սորոկինն այդ որոշումն ընդունել է Դեմոկրատական կուսակցությունը ներկայացնող 20 նահանգների գլխավոր դատախազների ներկայացրած հայցի հիման վրա։ Իրենց դատական հայցում նրանք վիճարկել էին անցյալ տարվա սեպտեմբերին Թրամփի հայտարարած հավելյալ տուրքը, որը հանգեցրել էր H-1B կարգի վիզաների ձևակերպման գործընթացի աննախադեպ և կտրուկ թանկացմանը։
Դոնալդ Թրամփի նախաձեռնությունը, որն առաջ էր քաշվել 2025 թվականի սեպտեմբերին, փաստացիորեն արգելափակել էր ամերիկյան միջին և փոքր բիզնեսի կողմից օտարերկրյա ՏՏ մասնագետների, գիտնականների և ինժեներների դասական հավաքագրումը։ Մինչ այդ հրամանագիրը, գործատուի համար H-1B վիզայի ձևակերպման ընդհանուր արժեքը կազմում էր 2000-ից մինչև 5000 դոլար։ 100 հազար դոլարի տուրքի ներդրումը Սպիտակ տան կողմից ներկայացվում էր որպես ամերիկացիների աշխատատեղերը «էժան օտարերկրյա աշխուժից» պաշտպանելու միջոցառում, սակայն դատարանները դրանում տեսել են գործադիր իշխանության լիազորությունների չարաշահում։
Source: https://news.am/hy/news/1042135