Ամերիկյան ֆոնդային ինդեքսները հինգշաբթի օրվա առևտրի արդյունքներով գերազանցապես աճել են, ընդ որում՝ Dow Jones Industrial Average (DJIA)-ն թարմացրել է պատմական առավելագույնը։
Անցյալ շաբաթ գործազրկության նպաստի համար առաջին անգամ դիմած ամերիկացիների թիվն աճել է 13 հազարով՝ հասնելով 225 հազարի, նշվել է ԱՄՆ աշխատանքի նախարարության հինգշաբթի հրապարակված զեկույցում։ Սա փետրվարի սկզբից ի վեր առավելագույն ցուցանիշն է։ Վերանայված տվյալների համաձայն՝ մեկ շաբաթ առաջ ցուցանիշը կազմել է 212 հազար, ոչ թե 215 հազար, ինչպես հաղորդվել էր ավելի վաղ։ Վերլուծաբանները միջինն սպասում էին նոր հայտերի թվի նվազմանը՝ մինչև 213 հազար, նախորդ շաբաթվա ավելի վաղ հայտարարված մակարդակից, վկայում են Trading Economics-ի տվյալները։
Երկրում աշխատանքի արտադրողականությունն առաջին եռամսյակում տարեկան հաշվարկով աճել է 0,3 տոկոսով, աշխատուժի արժեքը՝ 1,8 տոկոսով, վկայում են աշխատանքի նախարարության վերանայված տվյալները։ Նախապես հաղորդվել էր առաջին ցուցանիշի 0,8 տոկոս աճի, երկրորդինը՝ 2,3 տոկոս աճի մասին։ Փորձագետները սպասում էին վերանայման մինչև համապատասխանաբար 0,5 և 2,5 տոկոս։
Broadcom-ի արժեթղթերը աճուրդների արդյունքներով ընկել են 12,6 տոկոսով, թեև կիսահաղորդչային արտադրանքի արտադրողը հրապարակել է հստակ հաշվետվություն։ Ներդրողներին հիասթափեցրել է ընկերության՝ ԱԲ չիպերից ստացվող հասույթի վերաբերյալ կանխատեսումը։
CrowdStrike-ը կորցրել է կապիտալացման 3,8 տոկոսը։ Կիբեռանվտանգության ընկերության եռամսյակային հաշվետվությունը չի տպավորել թրեյդերներին, որոնք ԱԲ-ում ներդրումների բումի ֆոնին սպասում էին էլ ավելի ուժեղ արդյունքների։
Amazon.com Inc.-ի արժեթղթերի գնանշումները աճել են 1,5 տոկոսով՝ այն բանից հետո, երբ հայտնի դարձան Եվրոպայում ևս ավելի քան 10 մլրդ եվրո ներդնելու և ռոբոտատեխնիկայի ոլորտում նոր մշակումների վերաբերյալ ընկերության ծրագրերը։ Բացի այդ, ընկերության ամպային ստորաբաժանումը (AWS) 4 մլրդ դոլարի պայմանագիր է կնքել հանրահայտ Pinterest ինտերնետ-ծառայության հետ, որի արժեթղթերը թանկացել են 4,5 տոկոսով։
ԱԲ նախագծերի մի ամբողջ շարք ներկայացրած Microsoft Corp.-ի շուկայական արժեքն աճել է 0,2 տոկոսով, Apple Inc.-ինը՝ 0,3, Alphabet Inc.-ինը՝ 3,7, Meta-ինը (ՌԴ-ում ճանաչված է ծայրահեղական կազմակերպություն և արգելված է)՝ 0,7, Nvidia Corp.-ինը՝ 1,9 տոկոսով։ Tesla-ն այն նվազեցրել է 1,2 տոկոսով։
Advanced Micro Devices-ի արժեթղթերը էժանացել են 3,6, Micron Technology-ինը՝ 7,7 տոկոսով։
PVH Corp.-ի արժեթղթերը փլուզվել են 20,2 տոկոսով։ Calvin Klein, Tommy Hilfiger և Van Heusen ապրանքանիշերով հագուստ մատակարարողը վատթարացրել է տարեկան հասույթի կանխատեսումը՝ չնայած ուժեղ հաշվետվությանը։
Brown-Forman-ը մեծացրել է կապիտաացումը 2,8 տոկոսով։ Jack Daniel's վիսկիի արտադրողը նախորդ ֆինանսական եռամսյակում անսպասելիորեն ավելացրել է հասույթը 2 տոկոսով, ընդ որում՝ մաքուր շահույթը կրճատվել է գրեթե երեք անգամ։
Liftoff Mobile, Innio և Quantinuum նորեկները IPO-ից հետո առևտրի առաջին օրը շուկայական արժեքն աճեցրել են համապատասխանաբար 23,7, 23,3 և 0,6 տոկոսով։
JPMorgan Chase & Co.-ի բաժնետոմսերի գինը բարձրացել է 3,3, Goldman Sachs Group-ինը՝ 4,9, Visa Inc.-ինը՝ 2,5, Johnson & Johnson-ինը՝ 4,6, UnitedHealth Group-ինը՝ 5,2 տոկոսով։
DJIA-ն աճել է 1,73 տոկոսով՝ հասնելով ռեկորդային 51 561,93 կետի։
Standard & Poor's 500-ի արժեքն ավելացել է 0,41 տոկոսով՝ մինչև 7 584,31 կետ։
Nasdaq Composite ինդեքսը կորցրել է 0,09 տոկոս% և փակվել 26 830,96 կետ մակարդակում։
Source: https://news.am/hy/news/1041079
