ԱՄՆ նախագահ Դոնալդ Թրամփը պաշտոնապես առաջարկել է Սենատին հաստատել Արդարադատության նախարարության պաշտոնակատար ղեկավար Թոդ Բլանշին արդարադատության նախարարի պաշտոնում։ Համապատասխան ծանուցումը հրապարակվել է Սպիտակ տան կայքում։
Նշանակվելու համար Բլանշի թեկնածությունը պետք է ստանա Սենատի իրավական հանձնաժողովի հավանությունը, որից հետո այն կքննարկի Կոնգրեսի վերին պալատը՝ ամբողջ կազմով։
Բլանշը Արդարադատության նախարարությունը գլխավորել է պաշտոնակատարի կարգավիճակով ապրիլի 2-ից՝ Փեմ Բոնդիի հրաժարականից հետո։
The New York Times-ի տվյալներով՝ Բոնդիի հեռանալու հիմնական պատճառներից մեկը եղել են տարաձայնությունները ֆինանսիստ Ջեֆրի Էփշտեյնի գործով փաստաթղթերի հրապարակման շուրջ․ վերջինս մեղադրվում էր անչափահասների նկատմամբ սեռական հանցագործություններ կատարելու մեջ։
Source: https://news.am/hy/news/1042171